ഡ്യൂറൻഡ് കപ്പ് 2026 ഫുട്ബോൾ ടൂർണമെന്റിന്റെ ക്വാർട്ടർ ഫൈനൽ പോരാട്ടങ്ങൾക്കുള്ള ടീമുകളെ തീരുമാനിച്ചു. വ്യാഴാഴ്ച നടന്ന ഗ്രൂപ്പ് ഘട്ടത്തിലെ അവസാന മൂന്ന് മത്സരങ്ങളോടെയാണ് ക്വാർട്ടർ ഫൈനൽ ചിത്രം തെളിഞ്ഞത്.

ഏഷ്യയിലെ ഏറ്റവും പഴയ ഫുട്ബോൾ ടൂർണമെന്റായ ഡ്യൂറൻഡ് കപ്പിന്റെ 135-ാം പതിപ്പിൽ 24 ടീമുകളാണ് പങ്കെടുത്തത്. ഇവയെ ആറ് ഗ്രൂപ്പുകളായി തിരിച്ചാണ് മത്സരങ്ങൾ നടത്തിയത്. കൊൽക്കത്ത, റാഞ്ചി, ഇംഫാൽ, ഷില്ലോങ്, ഗുവാഹത്തി എന്നിവിടങ്ങളിലായാണ് മത്സരങ്ങൾ സംഘടിപ്പിച്ചത്.

ഓരോ ഗ്രൂപ്പിലെയും വിജയികളും മികച്ച രണ്ട് രണ്ടാം സ്ഥാനക്കാരുമാണ് ക്വാർട്ടർ ഫൈനലിലേക്ക് യോഗ്യത നേടിയത്. ഓഗസ്റ്റ് 16-നാണ് ക്വാർട്ടർ ഫൈനൽ മത്സരങ്ങൾ ആരംഭിക്കുന്നത്.

ഡ്യൂറൻഡ് കപ്പ് 2026 ക്വാർട്ടർ ഫൈനലിൽ പ്രവേശിച്ച ടീമുകൾ:

• മോഹൻ ബഗാൻ സൂപ്പർ ജയന്റ് – ഗ്രൂപ്പ് എ വിജയികൾ
• ഇന്ത്യൻ ആർമി എഫ്‌ടി – ഗ്രൂപ്പ് ബി വിജയികൾ
• എസ്‌സി ഡൽഹി – ഗ്രൂപ്പ് സി വിജയികൾ
• എഫ്‌സി റാംഗ്ദായ് – ഗ്രൂപ്പ് ഡി വിജയികൾ
• ഷില്ലോങ് ലജോങ് – ഗ്രൂപ്പ് ഇ വിജയികൾ
• നോർത്ത് ഈസ്റ്റ് യുണൈറ്റഡ് എഫ്‌സി – ഗ്രൂപ്പ് എഫ് വിജയികൾ
• ഈസ്റ്റ് ബംഗാൾ – ഗ്രൂപ്പ് എ റണ്ണർ-അപ്പ്
• ജംഷഡ്പൂർ എഫ്‌സി – ഗ്രൂപ്പ് സി റണ്ണർ-അപ്പ്

Published on Aug 13, 2026