പുതിയ പരിശീലകൻ ഡേവിഡ് ആഞ്ചലോട്ടിക്ക് കീഴിൽ ലില്ലെ ഒഎസ്‌സി പുതിയൊരു യുഗത്തിന് തുടക്കം കുറിക്കുകയാണ്. ആങ്കേഴ്സ് എസ്‌സിക്കെതിരായ മത്സരത്തോടെയാണ് ടീം ഈ പുതിയ യാത്ര ആരംഭിക്കുന്നത്. യൂറോപ്പിലെ ഒരു ക്ലബ്ബിന്റെ പ്രധാന പരിശീലകനായി ഡേവിഡ് ആഞ്ചലോട്ടി ചുമതലയേൽക്കുന്ന ആദ്യ മത്സരമാണിത്. നേരത്തെ ബ്രസീലിലെ ബോട്ടാഫോഗോയിൽ മാത്രമാണ് അദ്ദേഹം മുഖ്യ പരിശീലകനായി പ്രവർത്തിച്ചിട്ടുള്ളത്.

ആദ്യ മത്സരത്തിൽ തന്നെ ഒലിവിയർ ജിറൂഡിനെ ആഞ്ചലോട്ടി ആദ്യ ഇലവനിൽ ഇറക്കും. മത്യാസ് ഫെർണാണ്ടസ്-പാർഡോയ്ക്ക് സസ്പെൻഷൻ ഉള്ളതിനാൽ അദ്ദേഹത്തിന് കളിക്കാനാകില്ല. ഫ്രാൻസ് വിട്ടുപോകാനുള്ള ശ്രമത്തിന്റെ ഭാഗമായി പ്രീസീസൺ മത്സരത്തിൽ നിന്നും താരം വിട്ടുനിന്നതായും റിപ്പോർട്ടുകളുണ്ട്. ഹംസ ഇഗാമാനെ പരിക്കുമൂലം പുറത്തിരിക്കുകയാണ്.

ഏതാനും നാളുകളായി തുടരുന്ന പരിക്കുകളിൽ നിന്ന് മുക്തനായി ഈ സീസണിൽ മികച്ച പ്രകടനം പുറത്തെടുക്കാനാണ് നായകൻ ഇഥൻ എംബാപ്പെ ലക്ഷ്യമിടുന്നത്. ആക്രമണനിരയിൽ വലതുഭാഗത്ത് എംബാപ്പെ തന്നെയായിരിക്കും അണിനിരക്കുക. ഇടത് വിങ്ങിൽ പുതിയ താരം ബഷാർ ഓനലിനെ ആദ്യമായി ഔദ്യോഗിക മത്സരത്തിൽ കാണാൻ സാധിക്കുമെന്നാണ് ആരാധകർ പ്രതീക്ഷിക്കുന്നത്.

ആങ്കേഴ്സിനെതിരായ ലില്ലെയുടെ സാധ്യത ഇലവൻ

ബെർകെ ഓസർ, റൊമെയ്ൻ പെറോഡ്, അലക്സാന്ദ്രോ, നഥാൻ എൻഗോയ്, ടിയാഗോ സാന്റോസ്; നബിൽ ബെന്റാലെബ്, എൻഗാലിയൽ മുകൗ; ബഷാർ ഓനൽ, ഹേക്കൺ അർണാർ ഹരാൾഡ്സൺ, ഇഥൻ എംബാപ്പെ; ഒലിവിയർ ജിറൂഡ്. (ലെക്വിപ്)