സ്കോട്ടിഷ് മിഡ്ഫീൽഡർ സ്കോട്ട് മക്ടോമിനെ ഹൃദയ ശസ്ത്രക്രിയയ്ക്ക് വിധേയനാകുന്നു
സ്കോട്ടിഷ് മിഡ്ഫീൽഡർ സ്കോട്ട് മക്ടോമിനെ ഹൃദയ ശസ്ത്രക്രിയയ്ക്ക് വിധേയനാകുമെന്ന് നാപ്പോളി അറിയിച്ചു. ഹൃദയമിടിപ്പിലെ ചെറിയ വ്യതിയാനം (mild benign arrhythmia) കണ്ടെത്തിയതിനെത്തുടർന്നാണ് താരത്തിന് ചെറിയ ശസ്ത്രക്രിയ നിർദ്ദേശിച്ചിരിക്കുന്നത്.
ഞായറാഴ്ച നടന്ന സീരി എ മത്സരത്തിൽ കോമോയ്ക്കെതിരെ നടന്ന കളിയിൽ 2-1 ന് നാപ്പോളി പരാജയപ്പെട്ടിരുന്നു. ഈ മത്സരത്തിനിടെ പകരക്കാരനായി മക്ടോമിനെ പുറത്തിറങ്ങിയിരുന്നു. വരും ദിവസങ്ങളിൽ താരം ചികിത്സയ്ക്ക് വിധേയനാകും.
അന്താരാഷ്ട്ര ഇടവേളയ്ക്ക് ശേഷം ഒക്ടോബർ ആദ്യത്തോടെ താരം ടീമിലേക്ക് തിരിച്ചെത്തുമെന്നാണ് നാപ്പോളി മാനേജ്മെന്റ് പ്രതീക്ഷിക്കുന്നത്.
അതേസമയം, സ്കോട്ടിഷ് പരിശീലകൻ സെബാസ്റ്റ്യൻ പോക്കോഗ്നോളിയുടെ കീഴിലുള്ള ആദ്യ നാല് മത്സരങ്ങൾ മക്ടോമിനെക്ക് നഷ്ടമായേക്കും. നെഷൻസ് ലീഗിൽ സ്ലൊവേനിയ (ഹോം ആൻഡ് എവേ), നോർത്ത് മാസിഡോണിയ, സ്വിറ്റ്സർലൻഡ് എന്നിവർക്കെതിരായ മത്സരങ്ങളാണ് താരത്തിന് നഷ്ടമാവുക.
ഹൃദയമിടിപ്പ് അമിതമായി വേഗത്തിലാവുകയോ അല്ലെങ്കിൽ സാവധാനത്തിലാവുകയോ ചെയ്യുന്ന അവസ്ഥയാണ് അറിത്മിയ (arrhythmia) എന്ന് എൻ.എച്ച്.എസ് വ്യക്തമാക്കുന്നു.
കാർഡിയാക് അറിത്മിയ അബ്ലേഷൻ എന്ന ശസ്ത്രക്രിയയ്ക്കാണ് മക്ടോമിനെ വിധേയനാകുന്നത്. ഹൃദയത്തിലെ തെറ്റായ സിഗ്നലുകൾ തടയുന്നതിനായി ചൂടോ തണുപ്പോ ഉപയോഗിച്ച് ചെറിയ മുറിവുകൾ സൃഷ്ടിക്കുകയും അതുവഴി ഹൃദയമിടിപ്പ് സാധാരണ നിലയിലാക്കുകയും ചെയ്യുന്ന ചികിത്സയാണിതെന്ന് ബ്രിട്ടീഷ് ഹാർട്ട് ഫൗണ്ടേഷൻ വിശദീകരിക്കുന്നു.