ജർമ്മൻ കപ്പിൽ ഒസ്നാബ്രൂക്ക് ആരാധകരുടെ മനോഹരമായ മൊസൈക് ശ്രദ്ധേയമായി
ജർമ്മൻ കപ്പിൽ ബുധനാഴ്ച ബയേൺ മ്യൂണിക്കിനെതിരായ മത്സരത്തിൽ തങ്ങളുടെ ടീം പുറത്തായത് ഒസ്നാബ്രൂക്ക് ആരാധകർക്ക് നിരാശ നൽകിയെങ്കിലും, കിക്കോഫിന് മുൻപ് അവർ സ്റ്റേഡിയത്തിൽ ഒരുക്കിയ മൊസൈക് ഫുട്ബോൾ ലോകത്തിന്റെ കൈയടി നേടി.
സ്റ്റേഡിയത്തിലെ ഗാലറിയിൽ ആരാധകർ ഒരുക്കിയ റോളർ കോസ്റ്ററിന്റെ ദൃശ്യം കാണികളെ ഏറെ ആകർഷിച്ചു. പാളത്തിലൂടെ നീങ്ങുന്ന ഒരു കാർ ഉൾപ്പെടെയുള്ള വളരെ കൃത്യമായ ആസൂത്രണത്തോടെയാണ് ഈ മൊസൈക് തയ്യാറാക്കിയത്.
“VfL ഒസ്നാബ്രൂക്ക് റോളർ കോസ്റ്ററിനെപ്പോലെ കുതിക്കുന്നു!” എന്ന സന്ദേശവും ഇതിനൊപ്പം എഴുതിച്ചേർത്തിരുന്നു.
ഇതിന്റെ ദൃശ്യങ്ങൾ താഴെ നൽകുന്നു:
മത്സരത്തിലേക്ക് വന്നാൽ, ബയേൺ മ്യൂണിക്കിനെതിരെ തുടക്കത്തിൽ തന്നെ ഞെട്ടിക്കുന്ന ഒരു ദീർഘദൂര ഷോട്ടിലൂടെ ഒസ്നാബ്രൂക്ക് ലീഡ് നേടിയിരുന്നു. എന്നാൽ പിന്നീട് മത്സരത്തിൽ തിരിച്ചുവന്ന ബയേൺ 4-1 എന്ന സ്കോറിന് ജയം ഉറപ്പിച്ച് അടുത്ത റൗണ്ടിലേക്ക് കടന്നു.
ഹാരി കെയ്ൻ (രണ്ട് ഗോൾ), ടോം ബിഷോഫ്, മൈക്കൽ ഒലിസെ എന്നിവരാണ് ബയേണിനായി സ്കോർ ചെയ്തത്.