ഹോങ്കോങ് എഫ്‌സിയുടെ വില്യം മിർവാസ്സറിനായി എവർട്ടണും ബ്ലാക്ക്‌ബേണും സ്ട്രാസ്‌ബർഗും രംഗത്ത്

നിലവിൽ ഹോങ്കോങ് എഫ്‌സിയിൽ കളിക്കുന്ന 17 വയസ്സുള്ള ഫ്രഞ്ച് പ്രതിരോധ താരം വില്ല്യം മിർവാസ്സർ യൂറോപ്യൻ ഫുട്ബോളിലേക്ക് മാറാനുള്ള തയ്യാറെടുപ്പിലാണ്. എവർട്ടൺ, ബ്ലാക്ക്ബൺ റോവേഴ്‌സ് തുടങ്ങിയ ക്ലബ്ബുകളുടെ പരിശീലന സൗകര്യങ്ങൾ താരം അടുത്തിടെ സന്ദർശിച്ചതായി L’Équipe റിപ്പോർട്ട് ചെയ്യുന്നു.

16 വയസ്സുമുതൽ ഹോങ്കോങ് ടോപ്-ഫ്ലൈറ്റ് ലീഗിലെ സ്ഥിരം സാന്നിധ്യമാണ് മിർവാസ്സർ. എന്നാൽ, 2027 ഓഗസ്റ്റ് 28-ന് 18 വയസ്സ് പൂർത്തിയാകുന്നത് വരെ താരത്തിന് ഹോങ്കോങ് എഫ്‌സി വിട്ടുപോകാൻ നിയമപരമായ തടസ്സങ്ങളുണ്ട്. യൂറോപ്പിലേക്ക്, പ്രത്യേകിച്ച് ഫ്രാൻസിലേക്ക് മാറാനാണ് താരം പ്രധാനമായും ആഗ്രഹിക്കുന്നത്.

അന്താരാഷ്ട്ര മത്സരങ്ങൾക്കായി ലഭിച്ച ഇടവേളയിലാണ് എവർട്ടൺ, ബ്ലാക്ക്ബൺ റോവേഴ്സ് എന്നീ ക്ലബ്ബുകളുടെ സൗകര്യങ്ങൾ മിർവാസ്സർ പരിശോധിച്ചത്. പാരീസിൽ ജനിച്ച താരം, നവംബറിൽ വരുന്ന അടുത്ത അന്താരാഷ്ട്ര ഇടവേളയിൽ ആർസി സ്ട്രാസ്‌ബർഗ് അൽസേസ്, ലെച്ചെ എന്നീ ക്ലബ്ബുകളുടെ പരിശീലന സൗകര്യങ്ങളും സന്ദർശിക്കും. ഇതിനുശേഷം മാത്രമാകും തന്റെ ഭാവി ക്ലബ്ബിനെ സംബന്ധിച്ച അന്തിമ തീരുമാനത്തിലേക്ക് താരം എത്തുക.