Football

രണ്ട് ഗോൾകീപ്പർമാർക്ക് പരിക്ക്; ഗോൾ വല കാത്ത് എൻവാനേരി

ആഴ്‌സണൽ അണ്ടർ-18 ടീമിൽ അപ്രതീക്ഷിത ഗോൾകീപ്പറായി എമേഴ്സൺ നാവനേരി; നോർത്ത് ലണ്ടൻ ഡെർബിയിൽ ആവേശകരമായ ജയം

Photo by Cameron Howard/Getty Images

Advertisement

ഈതൻ നാവനേരിയുടെ സഹോദരനായ എമേഴ്സൺ നാവനേരി ടോട്ടൻഹാമിനെതിരായ നോർത്ത് ലണ്ടൻ ഡെർബി മത്സരത്തിൽ ആഴ്‌സണൽ അണ്ടർ-18 ടീമിനായി ഗോൾകീപ്പറുടെ വേഷമണിഞ്ഞു. മത്സരത്തിനിടെ ടീമിലെ രണ്ട് ഗോൾകീപ്പർമാർക്കും പരിക്കേറ്റതിനെത്തുടർന്നാണ് അപ്രതീക്ഷിതമായി എമേഴ്സൺ ഗ്ലൗസ് അണിഞ്ഞത്. ആവേശകരമായ മത്സരത്തിൽ 2-1 എന്ന സ്കോറിനാണ് ആഴ്‌സണൽ വിജയിച്ചത്.

ആദ്യ ഗോൾകീപ്പർ ജാക്ക് ടാൽബോട്ടും പകരക്കാരനായി എത്തിയ മാക്സിമിലിയൻ ലോ പ്രെസ്റ്റിയും പരിക്കേറ്റതിനെത്തുടർന്ന് കളം വിട്ടു. ടോട്ടൻഹാമിന്റെ ഒലിവർ ബോസ്റ്റുമായി കൂട്ടിയിടിച്ചാണ് ജാക്ക് ടാൽബോട്ടിന് പരിക്കേറ്റത്. അതിനുമുമ്പ് ഒരു ഫ്രീ കിക്കിൽ മികച്ച സേവ് അദ്ദേഹം നടത്തിയിരുന്നു. ശേഷം ഇറങ്ങിയ മാക്സിമിലിയൻ ലോ പ്രെസ്റ്റിക്കും ഫീനിക്സ് ഒഫിയായുമായുള്ള കൂട്ടിയിടിയിൽ പരിക്കേറ്റു.

Advertisement

ടീമിൽ മറ്റ് ഗോൾകീപ്പർമാർ ഇല്ലാതിരുന്ന സാഹചര്യത്തിൽ എമേഴ്സൺ നാവനേരി ഗോൾ പോസ്റ്റിന് മുന്നിലെത്തി. മത്സരത്തിന്റെ ശേഷിച്ച സമയം ഗോൾ വഴങ്ങാതെ അദ്ദേഹം ടീമിനെ കാത്തു. മത്സരത്തിന്റെ രണ്ടാം പകുതിയിൽ ജോയൽ വിഡാൽ-ഫിൽബർട്ടിലൂടെ ടോട്ടൻഹാം ലീഡ് നേടിയിരുന്നു. എന്നാൽ ഉടൻ തന്നെ മൈലോ ബെർണാഡ് ആഴ്‌സണലിനായി സമനില ഗോൾ കണ്ടെത്തി.

Photo via Arsenal.com

മത്സരത്തിന്റെ 97-ാം മിനിറ്റിൽ ആഴ്‌സണൽ വിജയഗോൾ നേടി. ഗോൾകീപ്പറായിരുന്ന എമേഴ്സൺ നാവനേരി സ്വന്തം പകുതിയിൽ നിന്ന് തൊടുത്ത ലോംഗ് ഫ്രീ കിക്ക് ആണ് ഈ വിജയത്തിന് തുടക്കമിട്ടത്. ലൂയിസ് മുനോസ് പന്ത് മൈലോ ബെർണാഡിന് കൈമാറുകയും, ബെർണാഡ് അത് വലയിലെത്തിക്കുകയും ചെയ്തു.

ഗോൾകീപ്പറുടെ വേഷമണിഞ്ഞതിനെക്കുറിച്ച് എമേഴ്സൺ നാവനേരി ഇങ്ങനെ പറഞ്ഞു: “ഗോൾകീപ്പർമാർക്ക് പരിക്കേറ്റപ്പോൾ അബ്രഹാം എന്നോട് ഗോൾകീപ്പർ ആകാൻ ആവശ്യപ്പെട്ടു. തമാശയാണെന്നാണ് ഞാൻ കരുതിയത്, പക്ഷേ എനിക്ക് ആ ജോലി ചെയ്യാൻ മടിയുണ്ടായിരുന്നില്ല. മുൻപ് സ്കൂളിലും കഴിഞ്ഞ സീസണിൽ അണ്ടർ-16 ടീമിനായും ഞാൻ ഗോൾകീപ്പറായി കളിച്ചിട്ടുണ്ട്. പരിശീലകൻ ജോഷ് സ്മിത്ത് പന്ത് എത്രയും വേഗം മുന്നോട്ട് എത്തിക്കാൻ പറഞ്ഞിരുന്നു, അത് വിജയഗോളിന് സഹായിച്ചു.”

Photo by Julian Finney/Getty Images


zidane

zidane

Senior Editor and Contributor at FootemAssist.