ഐഎസ്എൽ: നോർത്ത് ഈസ്റ്റ് യുണൈറ്റഡ് – ഒഡീഷ എഫ്സി മത്സരം സമനിലയിൽ
കലിംഗ സ്റ്റേഡിയത്തിൽ നടന്ന ഇന്ത്യൻ സൂപ്പർ ലീഗ് (ഐഎസ്എൽ) 2026-27 മത്സരത്തിൽ നോർത്ത് ഈസ്റ്റ് യുണൈറ്റഡും ഒഡീഷ എഫ്‌സിയും തമ്മിലുള്ള മത്സരം ഗോള്രഹിത സമനിലയിൽ അവസാനിച്ചു. മത്സരത്തിന്റെ അവസാന നിമിഷം ലഭിച്ച പെനാൽറ്റി നോർത്ത് ഈസ്റ്റ് യുണൈറ്റഡിന്റെ സ്‌ട്രൈക്കർ അലാദ്ദിൻ അജറായി പാഴാക്കിയതാണ് ടീമിന് തിരിച്ചടിയായത്.
കഴിഞ്ഞ മത്സരത്തിൽ കേരള ബ്ലാസ്റ്റേഴ്‌സിനെതിരെ 4-1 എന്ന സ്‌കോറിന് വിജയിച്ചെത്തിയ ജുവാൻ പെഡ്രോ ബെനാലിയുടെ സംഘം ഇത്തവണയും മികച്ച ആക്രമണ ശൈലിയാണ് പുറത്തെടുത്തത്. കഴിഞ്ഞ മത്സരത്തിൽ രണ്ട് ഗോളുകൾ നേടിയ അജറായിക്ക് ഇത്തവണ പെനാൽറ്റി സ്പോട്ടിൽ നിന്ന് ലക്ഷ്യം കാണാനായില്ല. താരത്തിന്റെ ഷോട്ട് പോസ്റ്റിൽ തട്ടി തെറിച്ചതോടെ മത്സരം സമനിലയിൽ അവസാനിക്കുകയായിരുന്നു.
Published on Oct 24, 2026