ലോകകപ്പ് ഫുട്ബോൾ റൗണ്ട് ഓഫ് 32 മത്സരത്തിൽ ബോസ്നിയ ആൻഡ് ഹെർസഗോവിനയെ പരാജയപ്പെടുത്തി മൗറീഷ്യോ പോച്ചെട്ടിനോയുടെ യുഎസ് പുരുഷ ദേശീയ ടീം വിജയം നേടി.

മത്സരത്തിന്റെ ആദ്യ പകുതിയിൽ ഫോലാരിൻ ബലോഗൻ യുഎസ്എയ്ക്ക് ലീഡ് നൽകി. എന്നാൽ രണ്ടാം പകുതിയിൽ താരം ചുവപ്പ് കാർഡ് കണ്ട് പുറത്തായതോടെ ബോസ്നിയ സമ്മർദ്ദം ശക്തമാക്കി.

എന്നാൽ മാലിക് ടിൽമാൻ നേടിയ മനോഹരമായ ഫ്രീ കിക്ക് യുഎസ്എയ്ക്ക് തുണയായി. ബോസ്നിയൻ പ്രതിരോധമതിലിനെ മറികടന്നെത്തിയ പന്ത് ഗോൾകീപ്പറെയും മറികടന്ന് വലയിലെത്തിയതോടെ ടീം വിജയമുറപ്പിച്ചു.

മത്സരശേഷം മാധ്യമങ്ങളോട് സംസാരിക്കവെ, തൻ്റെ ടീമിനെയും ആരാധകരെയും ആവേശം കൊള്ളിച്ചുകൊണ്ട് “എന്തുകൊണ്ട് നമുക്ക് ആയിക്കൂടാ?” (Why not us?) എന്ന ചോദ്യം മൗറീഷ്യോ പോച്ചെട്ടിനോ മുന്നോട്ടുവെച്ചു.

സ്വന്തം കാണികൾക്ക് മുന്നിൽ കളിക്കുന്നതിൻ്റെ ആനുകൂല്യവും പോച്ചെട്ടിനോയുടെ മികച്ച പരിശീലനവും കണക്കിലെടുക്കുമ്പോൾ, യുഎസ് ടീം ടൂർണമെൻ്റിൽ കൂടുതൽ ദൂരം മുന്നേറുമെന്ന പ്രതീക്ഷയിലാണ് ആരാധകർ.