തിങ്കളാഴ്ച ഫ്ലോറൻസിലെ വയല പാർക്ക് കോംപ്ലക്സിൽ ആരംഭിക്കുന്ന പ്രീ-സീസൺ പരിശീലനത്തിനായി 29 അംഗ ടീമിനെയാണ് ക്ലബ് പ്രഖ്യാപിച്ചിരിക്കുന്നത്. ഗോസൻസ് ക്ലബിന്റെ ഭാവി പദ്ധതികളിൽ ഇല്ലെന്ന് നേരത്തെ തന്നെ റിപ്പോർട്ടുകൾ ഉണ്ടായിരുന്നു. ഇതിനെ സാധൂകരിക്കുന്നതാണ് പുതിയ തീരുമാനം.

കാളിയാരിയിലേക്ക് മാറാനുള്ള തയ്യാറെടുപ്പിലാണ് ജാക്കോപോ ഫാസിനി. ടീമിലെ യുവതാരം റിക്കാർഡോ ബ്രാസ്കി ലോൺ അടിസ്ഥാനത്തിൽ പഡോവയിലേക്ക് ചേക്കേറും. ലോൺ കാലാവധി കഴിഞ്ഞ് തിരിച്ചെത്തിയ റിക്കാർഡോ സോറ്റിൽ, എംബാല എൻസോള, അമീർ റിച്ചാർഡ്‌സൺ, ആന്റോണിൻ ബരാക്, പൗലോ ബിയാങ്കോ എന്നിവരെയും പ്രീ-സീസൺ സംഘത്തിൽ ഉൾപ്പെടുത്തിയിട്ടില്ല.

മുട്ടുകാലിലെ പരിക്കിനെത്തുടർന്ന് ചികിത്സയിലുള്ള ഫാബിയാനോ പരീസി പ്രത്യേകം പരിശീലനം തുടരും. ക്രോയേഷ്യയ്ക്കൊപ്പം ലോകകപ്പിൽ പങ്കെടുത്ത മാരിൻ പോംഗ്രാസിച്ച് അധിക അവധിക്ക് ശേഷം ടീമിനൊപ്പം ചേരും. ബോൺമൗത്തുമായുള്ള ട്രാൻസ്ഫർ നടപടികൾ പൂർത്തിയായാൽ അലക്സ് ജിമെനെസ് ടീമിനൊപ്പം ചേരുമെന്ന് ക്ലബ് അറിയിച്ചു.

ഫിയോറന്റീന പ്രീ-സീസൺ പരിശീലന സംഘം:

ക്രിസ്റ്റൻസൺ, ഡി ഗിയ, ഫെയ്, ലെസെറിനി; ബാൽബോ, ബെൽഡെന്റി, കൊമുസോ, ഡോഡോ, ഡ്രാഗുസിൻ, വിയേരി, ഫോർട്ടിനി, മൊറേനോ, റാനിയേരി, മെലാനി, പെറോട്ടി; അറ്റ, ബ്രെസിയാനിനി, ക്രോസി, ഡെലി, ഫാബിയൻ, ഫാഗിയോളി, മാൻഡ്രാഗോറ, എൻഡോർ, സോം, പിറോ; എഗാരെബ്ബ, ഗുഡ്‌മണ്ട്സൺ, കീൻ, പിക്കോളി