2026 ഫിഫ ലോകകപ്പിന്റെ ആദ്യ സെമിഫൈനലിൽ ഇന്ന് ഫ്രാൻസ് സ്പെയിനിനെ നേരിടും. ഡാളസ് സ്റ്റേഡിയത്തിൽ നടക്കുന്ന മത്സരത്തിന് മണിക്കൂറുകൾ മാത്രം ശേഷിക്കെ, 2010-ലെ ലോക ചാമ്പ്യന്മാരായ സ്പെയിനിനെ നേരിടാനുള്ള ഫ്രഞ്ച് ടീമിന്റെ സ്റ്റാർട്ടിംഗ് ലൈനപ്പ് പരിശീലകൻ ദിദിയർ ദെഷാംപ്സ് പ്രഖ്യാപിച്ചു.

ഫ്രാൻസിന്റെ മുന്നേറ്റനിരയെ നയിക്കുന്നത് ക്യാപ്റ്റൻ കിലിയൻ എംബാപ്പെയാണ്. ഈ മത്സരത്തോടെ ലോകകപ്പിൽ ഏറ്റവും കൂടുതൽ തവണ ഫ്രാൻസിന് വേണ്ടി കളിക്കുന്ന താരമെന്ന റെക്കോർഡ് എംബാപ്പെ സ്വന്തമാക്കി. 21 മത്സരങ്ങളിൽ ബൂട്ട് കെട്ടിയ താരം ഇതോടെ ഹ്യൂഗോ ലോറിസിന്റെ (20) റെക്കോർഡ് മറികടന്നു.

Advertisement

എംബാപ്പെയും ചുവാമെനിയും ടീമിൽ

റിയൽ മാഡ്രിഡ് താരങ്ങളായ കിലിയൻ എംബാപ്പെയ്‌ക്കൊപ്പം ഓറേലിയൻ ചുവാമെനിയും ഫ്രഞ്ച് ടീമിൽ തിരിച്ചെത്തി. ചെറിയ പരിക്കിനെ തുടർന്ന് കഴിഞ്ഞ രണ്ട് മത്സരങ്ങളിൽ പുറത്തിരുന്ന ചുവാമെനി, മനു കോനെയ്ക്ക് പകരമാണ് മധ്യനിരയിൽ അഡ്രിയൻ റാബിയോട്ടിനൊപ്പം കളത്തിലിറങ്ങുന്നത്.

റിയൽ മാഡ്രിഡിന്റെ പുതിയ ലക്ഷ്യമായ മൈക്കൽ ഒലീസും ഫ്രഞ്ച് നിരയിൽ ഇടംപിടിച്ചിട്ടുണ്ട്. താരം പതിവുപോലെ വലതു വിങ്ങിൽ തന്നെ കളിക്കും. എന്നാൽ, 2018-ലെ ലോകകപ്പ് ജേതാക്കളായ ഫ്രാൻസിന്റെ പ്രതിരോധ താരം ഇബ്രാഹിമ കൊണാട്ടെ ഇന്ന് ബെഞ്ചിലായിരിക്കും.