കഴിഞ്ഞ വേനൽക്കാലത്ത് നടന്ന ക്ലബ് ലോകകപ്പിലും ട്രംപ് സമാനമായ രീതിയിൽ ട്രോഫി വിതരണത്തിൽ പങ്കാളിയായിരുന്നു. അന്ന് ചെൽസി ടീം കിരീടം ഉയർത്തുമ്പോൾ ട്രംപ് വേദിയിൽ മുൻനിരയിൽ തന്നെ ഉണ്ടായിരുന്നു.

ഇൻഫാന്റിനോയുമായുള്ള ട്രംപിന്റെ സൗഹൃദവും ഫിഫ പ്രസിഡന്റിലുളള അദ്ദേഹത്തിന്റെ സ്വാധീനവും വിവിധ കോണുകളിൽ നിന്ന് വലിയ വിമർശനങ്ങൾക്കിടയാക്കിയിട്ടുണ്ട്. യുഎസ് സോക്കർ അധികൃതരും മറ്റ് രാജ്യങ്ങളും ഇതിനെതിരെ രംഗത്തുവന്നിരുന്നു. യുഎസ്‌എംഎൻടി സ്‌ട്രൈക്കർ ഫോളറിൻ ബലോഗുന്റെ സസ്‌പെൻഷൻ നീക്കിയതിൽ ട്രംപ് അവകാശവാദം ഉന്നയിച്ചിരുന്നു. ഇതിന് പിന്നാലെ റൗണ്ട് ഓഫ് 16-ൽ യുഎസ് ടീമിനെതിരെ ബെൽജിയം വിജയിച്ചപ്പോൾ, ട്രംപിനെയും ടീമിനെയും പരിഹസിച്ച് ബെൽജിയം രംഗത്തെത്തുകയും ചെയ്തിരുന്നു.