പൂനെ ബാലെവാഡിയിലെ ശ്രീ ശിവ് ഛത്രപതി സ്പോർട്സ് കോംപ്ലക്സിൽ നടക്കുന്ന ഇന്ത്യൻ സൂപ്പർ ലീഗ് (ISL) മത്സരത്തിൽ കേരള ബ്ലാസ്റ്റേഴ്സ് ഇന്ന് ഇന്റർ കാശിയെ നേരിടും. പോർച്ചുഗീസ് പരിശീലകൻ കാർലോസ് വാസ് പിന്റോയുടെ കീഴിലുള്ള ഇന്റർ കാശിയുടെ ഈ സീസണിലെ ആദ്യ മത്സരമാണിത്. അവരുടെ ഹോം ഗ്രൗണ്ടിലാണ് മത്സരം നടക്കുന്നത്.

കഴിഞ്ഞ സീസണിൽ കൊച്ചിയിൽ നടന്ന മത്സരത്തിൽ കേരള ബ്ലാസ്റ്റേഴ്സിനെതിരെ ഇന്റർ കാശി 2-1 എന്ന സ്കോറിന് വിജയിച്ചിരുന്നു. ഫിഫയുടെ ട്രാൻസ്ഫർ വിലക്കിനെത്തുടർന്ന് 22 ഇന്ത്യൻ താരങ്ങളെ മാത്രം ഉൾപ്പെടുത്തിയാണ് ഇന്റർ കാശി ഇത്തവണത്തെ സീസണിന് ഇറങ്ങുന്നത്. മറുഭാഗത്ത്, മുഖ്യ പരിശീലകൻ ആഷ്‌ലി വെസ്റ്റ്‌വുഡിന്റെ നേതൃത്വത്തിൽ വലിയ മാറ്റങ്ങളുമായാണ് കേരള ബ്ലാസ്റ്റേഴ്സ് എത്തുന്നത്. നാല് വിദേശ താരങ്ങൾ ഉൾപ്പെടെയുള്ള മികച്ച നിരയെയാണ് ബ്ലാസ്റ്റേഴ്സ് ടീമിൽ ഉൾപ്പെടുത്തിയിരിക്കുന്നത്.

ടീമുകൾ

ഇന്റർ കാശി എഫ്‌സി

ഗോൾകീപ്പർമാർ: അൽബിനോ ഗോമസ്, മോഹിത് സിംഗ് ധാമി, ശുഭം ബാലാസാഹേബ് ദാസ്.

ഡിഫൻഡർമാർ: അരിത്ര ദാസ്, ഗുർസിമ്രത് സിംഗ് ഗിൽ, ലാൽദിൻലിയാന റെന്ത്‌ലെയ്, ലീവാൻ കാസ്റ്റൻഹ, നിശ്ചൽ ചന്ദൻ, പ്രതീക് ചൗധരി, സജ്ജാദ് ഹുസൈൻ പറെ, സുമിത് പാസി, തനുഷ് പാണ്ഡെ.

മിഡ്‌ഫീൽഡർമാർ: അഷാംഗ്ബാം അഫാവോബ സിംഗ്, ഹിതേഷ് ശർമ്മ, ജിതേന്ദ്ര സിംഗ്, കാർത്തിക് ജിതേന്ദ്രൻ പണിക്കർ, വെയ്ൻ വാസ്.

ഫോർവേഡുകൾ: ആയുഷ് ചിക്കാര, ഹുയിഡ്രോം തോയ് സിംഗ്, മൻവീർ സിംഗ്, റോസൻബർഗ് ഗിൽബെർട്ട് ഗബ്രിയേൽ, ശ്രീകുട്ടൻ വി.എസ്.

കേരള ബ്ലാസ്റ്റേഴ്സ്

ഗോൾകീപ്പർമാർ: അമ്രീന്ദർ സിംഗ്, അർഷ അൻവർ ഷെയ്ഖ്, അൽസാബിത് സുലൈമാൻ.

ഡിഫൻഡർമാർ: സന്ദീപ് സിംഗ്, ഹോർമിപാം റുയ്വ, ജെയിംസ് ബോൾട്ടൺ, ജഗന്നാഥ് ജയൻ, ഐബാൻഭ ദോഹ്‌ലിംഗ്, ബികാഷ് യുമ്നം, ഫാലൂ എൻഡിയായെ, നൗച്ച സിംഗ്, അമേയ് രണവാഡെ, സുമിത് ശർമ്മ.

മിഡ്‌ഫീൽഡർമാർ: ഫ്രെഡി ലാൽമാവുമ, വിബിൻ മോഹനൻ, അഡ്രിയാൻ ലൂണ, സാഹിൽ തവോര, പോൾ റാംഫാംസൗവ, നെബോജ്‌സ കൊസോവിച്ച്, ജോയൽ ലാൽറമെങ്മാവിയ, എബിൻദാസ് യേശുദാസൻ.

ഫോർവേഡുകൾ: കോറു സിംഗ്, ആന്ദ്രേ ഗ്രീൻ, മുഹമ്മദ് സനാൻ, മുഹമ്മദ് യാസിർ, ശ്രീകുട്ടൻ എം.എസ്, റാംലുഞ്ചുങ്ക, മോമോ യാൻസാനേ.

Published on Oct 11, 2026