അന്താരാഷ്ട്ര ഫുട്ബോളിൽ നിന്ന് വിരമിച്ച് സാദിയോ മാനെ
സെനഗൽ ഫുട്ബോളിന്റെ ചരിത്രത്തിൽ പുതിയൊരു അധ്യായം കുറിച്ചുകൊണ്ട് സാദിയോ മാനെ അന്താരാഷ്ട്ര കരിയറിന് വിരാമമിട്ടു. 2026 ലോകകപ്പ് പ്രീക്വാർട്ടറിൽ ബെൽജിയത്തോട് 2-3 എന്ന സ്‌കോറിന് സെനഗൽ പരാജയപ്പെട്ട് ദിവസങ്ങൾക്ക് ശേഷമാണ് തന്റെ വിരമിക്കൽ പ്രഖ്യാപനം മാനെ നടത്തിയത്. സെനഗലിലെ മാധ്യമമായ ‘ലെ ക്വോട്ടിഡിയൻ’ വഴിയാണ് അദ്ദേഹം ഇക്കാര്യം അറിയിച്ചത്.
34-ാം വയസ്സിലാണ് 14 വർഷം നീണ്ട അന്താരാഷ്ട്ര കരിയറിന് മാനെ തിരശ്ശീലയിടുന്നത്. 130 മത്സരങ്ങളിൽ സെനഗൽ ജേഴ്സി അണിഞ്ഞ ഈ മുൻ ലിവർപൂൾ താരം, സെനഗലിന്റെ ഫുട്ബോൾ ഇതിഹാസമായാണ് കളം വിടുന്നത്. ഫ്രഞ്ച് ക്ലബ് എഫ്‌സി മെറ്റ്സിലൂടെ കരിയർ ആരംഭിച്ച മാനെ, 2021-ലെ ആഫ്രിക്കൻ കപ്പ് ഓഫ് നേഷൻസ് (AFCON) ജേതാവുമാണ്.
“ഈ ദേശീയ പതാകയ്ക്ക് വേണ്ടി ഞാൻ എല്ലാം സമർപ്പിച്ചു. എന്റെ ഏറ്റവും മികച്ച പ്രകടനം പുറത്തെടുക്കാനും നമ്മുടെ രാജ്യത്തിന് വേണ്ടി പോരാടാനും ഞാൻ എപ്പോഴും ശ്രമിച്ചിട്ടുണ്ട്,” ലെ ക്വോട്ടിഡിയനിൽ പ്രസിദ്ധീകരിച്ച പ്രസ്താവനയിൽ മാനെ പറഞ്ഞു.