നേഷൻസ് ലീഗ് മത്സരങ്ങൾ ആരംഭിച്ചു കഴിഞ്ഞു. കളിക്കളത്തിലെ മികച്ച നീക്കങ്ങൾക്കൊപ്പം ചില അവിശ്വസനീയമായ നിമിഷങ്ങളും ഫുട്ബോൾ ആരാധകർക്കിടയിൽ ചർച്ചയാവുകയാണ്. മികച്ച ചില മുന്നേറ്റങ്ങൾക്കൊപ്പം പെട്ടെന്ന് മറക്കാൻ ആഗ്രഹിക്കുന്ന ചില നിമിഷങ്ങളും ഇത്തവണത്തെ മത്സരങ്ങളിൽ ഉണ്ടായി.

പോർച്ചുഗലിനായി കളിച്ച ക്രിസ്റ്റ്യാനോ റൊണാൾഡോയ്ക്ക് വളരെ നിരാശാജനകമായ ഒരു ആദ്യ പകുതിയായിരുന്നു ഉണ്ടായിരുന്നത്. വ്യക്തമായ ചില ഗോളവസരങ്ങൾ താരം നഷ്ടപ്പെടുത്തി. അതിൽ ഒന്ന് ഏവരെയും അമ്പരപ്പിക്കുന്നതായിരുന്നു. ഗോൾമുഖത്തുനിന്നും ഏതാനും മീറ്ററുകൾ മാത്രം അകലെവെച്ച് പോർച്ചുഗീസ് താരം എന്ത് ചെയ്യാനാണ് ശ്രമിച്ചതെന്ന് ഇപ്പോഴും വ്യക്തമല്ല.