ഫുട്ബോൾ ലോകത്തെ രണ്ട് ഇതിഹാസങ്ങൾ ഒരുമിച്ച്. 2026 വേൾഡ് കപ്പ് ക്വാർട്ടർ ഫൈനലിൽ സ്വിറ്റ്സർലൻഡിനെതിരായ അർജന്റീനയുടെ വിജയത്തിന് ശേഷം ലയണൽ മെസ്സി ഇറ്റാലിയൻ ഫുട്ബോൾ ഇതിഹാസം റോബർട്ടോ ബാജിയോയെ കണ്ടു. മത്സരത്തിൽ താൻ ധരിച്ച ജേഴ്സി മെസ്സി ബാജിയോയ്ക്ക് സമ്മാനിക്കുകയും ചെയ്തു.

മെസ്സിയും ബാജിയോയും ഒന്നിച്ചുള്ള ചിത്രം വൈറലാകുന്നു

കാൻസാസ് സിറ്റിയിൽ നടന്ന മത്സരത്തിൽ സ്വിറ്റ്സർലൻഡിനെതിരെ എക്സ്ട്രാ ടൈമിൽ 3-1 എന്ന സ്കോറിനാണ് അർജന്റീന വിജയിച്ചത്. ഇതോടെ നാല് ടൂർണമെന്റുകളിൽ മൂന്നാം തവണയും അർജന്റീന ലോകകപ്പ് സെമിഫൈനലിൽ പ്രവേശിച്ചു. ഈ മത്സരം കാണാൻ റോബർട്ടോ ബാജിയോയും സ്റ്റേഡിയത്തിലെത്തിയിരുന്നു.

എട്ടുതവണ ബാലൺ ഡി ഓർ ജേതാവായ ലയണൽ മെസ്സിക്കൊപ്പം ബാജിയോ ഫോട്ടോയ്ക്ക് പോസ് ചെയ്തു. മത്സരശേഷം മെസ്സി തന്റെ മാച്ച് വോൺ ജേഴ്സി ബാജിയോയ്ക്ക് കൈമാറി.

“പ്രിയപ്പെട്ട ലിയോ, നിന്റെ ഈ അമൂല്യമായ സമ്മാനത്തിനും സ്നേഹത്തിനും നന്ദി. എന്റെ സുഹൃത്തേ, നിന്നെ ഞാൻ ഒരുപാട് സ്നേഹിക്കുന്നു,” ബാജിയോ തന്റെ ഇൻസ്റ്റഗ്രാം പ്രൊഫൈലിൽ പങ്കുവെച്ച ചിത്രത്തോടൊപ്പം കുറിച്ചു. ചിരിച്ചുകൊണ്ട് നിൽക്കുന്ന ബാജിയോയുടെ ചിത്രമാണ് ആരാധകർ ഏറ്റെടുത്തിരിക്കുന്നത്.

View this post on Instagram