തന്റെ സഹോദരനായ ക്വിന്നിനെ രക്ഷിക്കാൻ കാവൻ ഓടിയെത്തുകയും മയാമിയുടെ യാനിക് ബ്രൈറ്റുമായി ഏറ്റുമുട്ടുകയും ചെയ്തു. ബ്രൈറ്റ് കാവന്റെ മുഖത്ത് ഒന്നിലധികം തവണ അടിക്കുകയും, കാവൻ ബ്രൈറ്റിന്റെ ജേഴ്സിയിൽ പിടിച്ചു വലിക്കുകയും ചെയ്തു.

ക്വിൻ സള്ളിവൻ (22), കാവൻ സള്ളിവൻ (16) എന്നിവർ സഹോദരങ്ങളാണ്. ഫിലാഡൽഫിയ യൂണിയൻ അക്കാദമിയിലൂടെ വളർന്നവരാണ് ഇരുവരും. 14-ാം വയസ്സിൽ ഫിലാഡൽഫിയയുമായി നാല് വർഷത്തെ കരാറിൽ ഒപ്പിട്ടാണ് കാവൻ ചരിത്രം കുറിച്ചത്.

ഫുട്ബോൾ നിയമമനുസരിച്ച് എതിർ ടീം കളിക്കാരന്റെ തലയിലോ കഴുത്തിലോ സ്പർശിക്കുന്നത് അനുവദനീയമല്ല. ഇത് മനഃപൂർവ്വമാണോ എന്നത് പരിഗണിക്കാതെ കടുത്ത ശിക്ഷാനടപടികളാണ് ഇത്തരം പ്രവർത്തികൾക്ക് ലഭിക്കാറുള്ളത്.

കാവൻ സള്ളിവന്റെ റെഡ് കാർഡ് റദ്ദാക്കിയതോടെ അദ്ദേഹത്തിനുള്ള ഒരു മത്സരത്തിലെ വിലക്കും നീക്കി. ശനിയാഴ്ച നടക്കുന്ന ഓസ്റ്റിനെതിരായ മത്സരത്തിൽ കാവൻ കളിക്കും. എന്നാൽ, യാനിക് ബ്രൈറ്റിന്റെ വിലക്ക് നീക്കിയിട്ടില്ല. അതിനാൽ ശനിയാഴ്ച ടൊറന്റോയ്‌ക്കെതിരായ മത്സരത്തിൽ മയാമിക്കായി ബ്രൈറ്റ് കളിക്കില്ല.