ഡ്യുറാൻഡ് കപ്പ് 2026-ന്റെ സെമിഫൈനലിൽ ഇടംപിടിക്കാനായി മോഹൻ ബഗാൻ സൂപ്പർ ജയന്റ് ഇന്ന് ജംഷദ്‌പൂർ എഫ്‌സിയെ നേരിടുന്നു. കൊൽക്കത്തയിലെ വിവേകാനന്ദ യുവ ഭാരതി ക്രീരങ്കൺ (സാൾട്ട് ലേക്ക് സ്റ്റേഡിയം) ആണ് ഈ നിർണായക മത്സരത്തിന് വേദിയാകുന്നത്.

ടൂർണമെന്റിൽ മികച്ച പ്രകടനമാണ് മോഹൻ ബഗാൻ കാഴ്ചവെക്കുന്നത്. ഗ്രൂപ്പ് ഘട്ടത്തിൽ കളിച്ച മൂന്ന് മത്സരങ്ങളിലും വിജയിച്ചാണ് റെക്കോർഡ് ജേതാക്കളായ മോഹൻ ബഗാൻ ക്വാർട്ടർ ഫൈനലിൽ എത്തിയത്. മറുവശത്ത്, ഗ്രൂപ്പ് ഘട്ടത്തിൽ എസ്‌സി ഡൽഹിക്ക് പിന്നിലായി രണ്ടാമതെത്തിയെങ്കിലും, മികച്ച രണ്ടാമന്മാരിൽ ഒരാളായണ് ജംഷദ്‌പൂർ നോക്കൗട്ട് ഉറപ്പിച്ചത്.

ഈ മത്സരത്തിൽ വിജയിക്കുന്ന ടീം സെമിഫൈനലിൽ ഷില്ലോങ് ലാജോങ് അല്ലെങ്കിൽ നിലവിലെ ചാമ്പ്യന്മാരായ നോർത്ത് ഈസ്റ്റ് യുണൈറ്റഡ് എന്നിവരിൽ ആരെയാകും നേരിടുക.

മോഹൻ ബഗാൻ എസ്‌ജി vs ജംഷദ്‌പൂർ എഫ്‌സി: നേർക്കുനേർ കണക്കുകൾ

• ആകെ മത്സരങ്ങൾ: 14
• മോഹൻ ബഗാൻ സൂപ്പർ ജയന്റ്: 6
• ജംഷദ്‌പൂർ എഫ്‌സി: 5
• സമനില: 3

ഇരു ടീമുകളും അവസാനമായി ഏറ്റുമുട്ടിയപ്പോൾ

ഇന്ത്യൻ സൂപ്പർ ലീഗ് (ഐഎസ്എൽ) 2025-26 സീസണിലായിരുന്നു മോഹൻ ബഗാനും ജംഷദ്‌പൂരും അവസാനമായി നേർക്കുനേർ വന്നത്. ജംഷദ്‌പൂരിലെ ജെആർഡി ടാറ്റ സ്‌പോർട്‌സ് കോംപ്ലക്സിൽ നടന്ന ആ മത്സരം 1-1 എന്ന നിലയിൽ സമനിലയിൽ അവസാനിച്ചു. മത്സരത്തിന്റെ 15-ാം മിനിറ്റിൽ ലിസ്റ്റൺ കൊളാക്കോയിലൂടെ മോഹൻ ബഗാൻ ലീഡ് നേടിയെങ്കിലും, ഇഞ്ചുറി ടൈമിൽ പകരക്കാരനായി ഇറങ്ങിയ റിത്വിക് കുമാർ ദാസ് നേടിയ ഹെഡർ ഗോളിലൂടെ ജംഷദ്‌പൂർ സമനില പിടിച്ചെടുക്കുകയായിരുന്നു.

(നേർക്കുനേർ കണക്കുകളിൽ എടികെ മോഹൻ ബഗാന്റെ മത്സരഫലങ്ങളും ഉൾപ്പെടുത്തിയിട്ടുണ്ട്)

പ്രസിദ്ധീകരിച്ചത്: ഓഗസ്റ്റ് 17, 2026