സൗദി അറേബ്യൻ ഫുട്ബോൾ പ്രോജക്റ്റിന്റെ മുഖമായ റൊണാൾഡോ, ഇൻസ്റ്റാഗ്രാമിലൂടെയാണ് ഈ ആരാധകർക്കെതിരെ രൂക്ഷമായ ഭാഷയിൽ പ്രതികരിച്ചത്. സൗദി പ്രോ ലീഗ് (SPL) അടിയന്തര നടപടി സ്വീകരിക്കണമെന്ന് അദ്ദേഹം ആവശ്യപ്പെട്ടു.

“ഇത്തരം ആരാധകരുടെ പെരുമാറ്റത്തിനെതിരെ ലീഗ് നടപടിയെടുക്കുകയും അവരെ ശിക്ഷിക്കുകയും വേണം,” അദ്ദേഹം കുറിച്ചു. “ഇതിനെ ഫുട്ബോൾ എന്ന് വിളിക്കാൻ കഴിയില്ല, ഇതിനൊക്കെ ഒരു പരിധിയുണ്ട്. ഇത്തരത്തിൽ പെരുമാറുന്ന ആളുകളെ ഇനി ഒരിക്കലും സ്റ്റേഡിയത്തിൽ പ്രവേശിപ്പിക്കരുത്.”

മുൻ ലിവർപൂൾ താരമായിരുന്ന ജോട്ട 2025 ജൂലൈയിൽ സഹോദരൻ ആന്ദ്രെ സിൽവയ്‌ക്കൊപ്പം വാഹനാപകടത്തിൽ മരണപ്പെട്ടിരുന്നു. ഈ സംഭവം ലോകമെമ്പാടുമുള്ള ഫുട്ബോൾ പ്രേമികളെ വേദനിപ്പിച്ചിരുന്നു. ലോകകപ്പിൽ ക്രോയേഷ്യക്കെതിരായ പ്രീക്വാർട്ടർ വിജയത്തിന് ശേഷം, ജോട്ടയുടെ പഴയ ജേഴ്സി നമ്പറായ 21 അണിഞ്ഞ് റൊണാൾഡോ അദ്ദേഹത്തിന് ആദരാഞ്ജലി അർപ്പിച്ചിരുന്നു.

അതേസമയം, പോർച്ചുഗലിനും വോൾവ്സിനും വേണ്ടി ഒന്നിച്ച് കളിച്ച ജോട്ടയോടുള്ള ആദരസൂചകമായി തന്റെ ഇടതുകാലിൽ നെവസ് അദ്ദേഹത്തിന്റെ ടാറ്റൂ പതിച്ചിട്ടുണ്ട്. ജോട്ടയുടെ സംസ്കാരച്ചടങ്ങിൽ നെവസ് പല്ല്ബെയററുമായിരുന്നു (മൃതദേഹം ചുമക്കുന്നയാൾ).

സൗദി അറേബ്യൻ താരം സാലിഹ് അബു അൽ-ഷാമത്തും ഈ സംഭവത്തിൽ പ്രതിഷേധം രേഖപ്പെടുത്തി. ആരാധകരുടെ നടപടി തെറ്റാണെന്നും ഇസ്ലാമിക മൂല്യങ്ങൾക്ക് വിരുദ്ധമാണെന്നും അദ്ദേഹം പറഞ്ഞു.

“ഇന്ന് നാം കണ്ട കാര്യത്തെക്കുറിച്ച് പറയാൻ ഞാൻ ആഗ്രഹിക്കുന്നു. ഒരു മുസ്ലീം എന്ന നിലയിൽ ഇതിനെതിരെ പ്രതികരിക്കേണ്ടത് എന്റെ കടമയാണെന്ന് തോന്നി,” അബു അൽ-ഷാമത്ത് ഇൻസ്റ്റാഗ്രാമിൽ കുറിച്ചു.

“അൽ-താവൂൺ ആരാധകരുടെ പ്രവർത്തനം നമ്മുടെ ക്ലബ്ബിനെ മാത്രമല്ല, നമ്മുടെ മഹത്തായ മതമായ ഇസ്ലാമിനെയും ബാധിക്കുന്നതാണ്. എത്ര കടുത്ത മത്സരമായാലും മരിച്ചവരെ പരിഹസിക്കാനോ അപമാനിക്കാനോ പാടില്ല. നമ്മൾ ഒരു ഇസ്ലാമിക രാജ്യത്താണ് ജീവിക്കുന്നത്. സ്നേഹവും സഹിഷ്ണുതയും ബഹുമാനവുമാണ് ഇസ്ലാം എന്ന് ലോകത്തിന് കാണിച്ചുകൊടുക്കേണ്ടത് നമ്മുടെ ഉത്തരവാദിത്തമാണ്.”