ഈത്തവണ ആര് ബാലൊൻഡിഓർ നേടും? അവസാന പവർ റാങ്കിംഗ് പുറത്ത്

ഫുട്ബോൾ ലോകം ഏറെ ആവേശത്തോടെ കാത്തിരിക്കുന്ന ബാലൻഡിയോർ പുരസ്കാരത്തിന് മുന്നോടിയായി ബ്ലീച്ചർ റിപ്പോർട്ട് തങ്ങളുടെ അവസാന പവർ റാങ്കിംഗ് പുറത്തുവിട്ടു. ഈ പട്ടികയിലെ ആദ്യ ആറ് താരങ്ങളുടെ വിശേഷങ്ങൾ പരിശോധിക്കാം.

ആറാം സ്ഥാനത്ത് റോത്രി

ആറാം സ്ഥാനത്തുള്ളത് റോത്രിയാണ്. പോയ സീസണിൽ മാഞ്ചസ്റ്റർ സിറ്റിക്കായി കളിച്ച താരം നിലവിൽ ബാഴ്സലോണയിലാണ്. പരിക്കും മറ്റ് പ്രശ്നങ്ങളും നേരിട്ടിരുന്നെങ്കിലും വേൾഡ് കപ്പിൽ താരം മികച്ച പ്രകടനം കാഴ്ചവെച്ചിട്ടുണ്ട്. എങ്കിലും ഈ പ്രകടനങ്ങൾ മാത്രം കൊണ്ട് ബാലൻഡിയോർ ലഭിക്കുമെന്ന് കരുതാനാകില്ല.

അഞ്ചാം സ്ഥാനത്ത് ഖ്വിച ഖ്വാരത്സെഖേലിയ

അഞ്ചാം സ്ഥാനത്ത് ഖ്വിച ഖ്വാരത്സെഖേലിയയാണ് ഇടംനേടിയിരിക്കുന്നത്. ഖ്വിചയുടെ പ്രകടനത്തെക്കുറിച്ച് ആർക്കും എതിർപ്പുകൾ പറയാനില്ലാത്തവിധം മനോഹരമാണ്. പോയ സീസണിലും ഈ സീസണിലും മികച്ച രീതിയിൽ മുന്നേറിയ താരത്തിന് പടുകൂറ്റൻ പരിക്കുകൾ തിരിച്ചടിയായിട്ടുണ്ട്. എങ്കിലും താരം ടോപ്പ് ഫൈവിൽ വരുമെന്നാണ് കണക്കാക്കുന്നത്.

നാലാം സ്ഥാനത്ത് ലിയണൽ മെസ്സി

നാലാം സ്ഥാനത്ത് ലിയണൽ മെസ്സിയാണ് ഉള്ളത്. യൂറോപ്പിലെ ടോപ്പ് ഫൈവ് ലീഗുകളിലൊന്നിലല്ല കളിക്കുന്നത് എന്നതും എംഎൽഎസിലാണ് കളിക്കുന്നത് എന്നതും ശ്രദ്ധേയമാണ്. എങ്കിലും 39-ാം വയസ്സിൽ വേൾഡ് കപ്പിൽ താരം കാഴ്ചവെച്ച പ്രകടനം ആരെയും അത്ഭുതപ്പെടുത്തുന്നതാണ്. അതുകൊണ്ടുതന്നെ മെസ്സി ഈ ടോപ്പ് ഫൈവ് അർഹിക്കുന്നുണ്ട്.

മൂന്നാം സ്ഥാനത്ത് കിലിയൻ എംബാപ്പേ

മൂന്നാം സ്ഥാനത്ത് കിലിയൻ എംബാപ്പേയാണ്. ഇൻഡിവിജ്വൽ പെർഫോമൻസിന്റെ കാര്യത്തിൽ ഈ സീസണിൽ ഏറ്റവും നന്നായി കളിച്ചത് എംബാപ്പേയാണെന്ന് തിബോട് കോർട്ടു ഉൾപ്പെടെയുള്ളവർ പറയുന്നു. എന്നാൽ ബാലൻഡിയോർ മാനദണ്ഡങ്ങളിൽ പ്രധാനപ്പെട്ട ഒന്ന് കിരീടമാണ്. വ്യക്തിഗത പ്രകടനത്തിനൊപ്പം ടീമിന്റെ പ്രകടനത്തിനും പ്രാധാന്യമുണ്ട്. ഇൻഡിവിജ്വൽ പെർഫോമൻസ് കൊണ്ട് ടീമിന് എന്ത് ഗുണമുണ്ടായി എന്ന കാര്യമാണ് എംബാപ്പേയെ പുറകോട്ട് വലിക്കുന്നത്.

രണ്ടാം സ്ഥാനത്ത് ലമീൻ യമാൽ

രണ്ടാം സ്ഥാനത്ത് ലമീൻ യമാസാണ്. യമാൽ നിരവധി കിരീടങ്ങൾ ചൂടിയിട്ടുണ്ട്. ബാഴ്സക്ക് വേണ്ടി മനോഹരമായി കളിച്ചിട്ടുള്ള താരത്തിന് വേൾഡ് കപ്പിൽ വലിയ ഇമ്പാക്ട് ഉണ്ടാക്കാൻ കഴിഞ്ഞിട്ടില്ലെങ്കിലും കിരീട നേട്ടങ്ങളുടെ അടിസ്ഥാനത്തിൽ താരം രണ്ടാം സ്ഥാനത്താണ്.

ഒന്നാം സ്ഥാനത്ത് ഹാരി കെയ്ൻ

പവർ റാങ്കിംഗിൽ ഒന്നാം സ്ഥാനത്ത് നിൽക്കുന്നത് ഹാരി കെയ്നാണ്. ഗോൾ അടിച്ചു കൂട്ടുകയും ബയണിനൊപ്പം കിരീടങ്ങൾ വാരിക്കൂട്ടുകയും ചെയ്ത താരം വേൾഡ് കപ്പിലും മികച്ച രീതിയിൽ കളിച്ചിട്ടുണ്ട്. ഇംഗ്ലണ്ട് മൂന്നാം സ്ഥാനത്ത് ഫിനിഷ് ചെയ്യാനും ഇത് കാരണമായി.

ബ്ലീച്ചർ റിപ്പോർട്ട് അവതരിപ്പിക്കുന്ന ഈ അവസാന പവർ റാങ്കിംഗ് പ്രകാരം ഹാരി കെയ്നാണ് ഏറ്റവും കൂടുതൽ ബാലൻഡിയോർ സാധ്യതയുള്ളത്. ലമീൻ യമാൽ രണ്ടാമതും, കിലിയൻ എംബാപ്പേ മൂന്നാമതും, ലിയണൽ മെസ്സി നാലാമതും, ഖ്വിച ഖ്വാരത്സെഖേലിയ അഞ്ചാമതും, റോത്രി ആറാമതുമാണ് ഈ പട്ടികയിലുള്ളത്.