ഡ്യുറാൻഡ് കപ്പ് 2026 ഫുട്ബോൾ ടൂർണമെന്റിന്റെ ക്വാർട്ടർ ഫൈനൽ ചിത്രം തെളിഞ്ഞു. വ്യാഴാഴ്ച നടന്ന ഗ്രൂപ്പ് ഘട്ടത്തിലെ അവസാന മൂന്ന് മത്സരങ്ങളോടെയാണ് ക്വാർട്ടർ ഫൈനലിലേക്കുള്ള ടീമുകളെ തീരുമാനിച്ചത്.

ഏഷ്യയിലെ ഏറ്റവും പഴക്കമേറിയ ഫുട്ബോൾ ടൂർണമെന്റിന്റെ 135-ാം പതിപ്പിൽ 24 ടീമുകളാണ് പങ്കെടുത്തത്. ഇവരെ ആറ് ഗ്രൂപ്പുകളായി തിരിച്ച് കൊൽക്കത്ത, റാഞ്ചി, ഇംഫാൽ, ഷില്ലോങ്, ഗുവാഹത്തി എന്നിവിടങ്ങളിലായാണ് മത്സരങ്ങൾ നടത്തിയത്.

ഓരോ ഗ്രൂപ്പിലെയും വിജയികളും മികച്ച രണ്ട് റണ്ണറപ്പുകളുമാണ് ക്വാർട്ടർ ഫൈനലിലേക്ക് യോഗ്യത നേടിയത്. ഓഗസ്റ്റ് 16-ന് ക്വാർട്ടർ ഫൈനൽ മത്സരങ്ങൾ ആരംഭിക്കും.

ഡ്യുറാൻഡ് കപ്പ് 2026 ക്വാർട്ടർ ഫൈനലിൽ പ്രവേശിച്ച ടീമുകൾ:

• മോഹൻ ബഗാൻ സൂപ്പർ ജയന്റ് – ഗ്രൂപ്പ് എ വിജയികൾ
• ഇന്ത്യൻ ആർമി എഫ്ടി – ഗ്രൂപ്പ് ബി വിജയികൾ
• എസ്‌സി ഡൽഹി – ഗ്രൂപ്പ് സി വിജയികൾ
• എഫ്‌സി റൈങ്‌ദായി – ഗ്രൂപ്പ് ഡി വിജയികൾ
• ഷില്ലോങ് ലജോങ് – ഗ്രൂപ്പ് ഇ വിജയികൾ
• നോർത്ത് ഈസ്റ്റ് യുണൈറ്റഡ് എഫ്‌സി – ഗ്രൂപ്പ് എഫ് വിജയികൾ
• ഈസ്റ്റ് ബംഗാൾ – ഗ്രൂപ്പ് എ റണ്ണറപ്പുകൾ
• ജംഷഡ്പൂർ എഫ്‌സി – ഗ്രൂപ്പ് സി റണ്ണറപ്പുകൾ

Published on Aug 13, 2026